Mbrojtja nga rreziku/ Ministrja Manastirliu bën njoftimin e rëndësishëm për sezonin turistik

Në mbyllje të javës ministrja e Shëndetësisë Ogerta Manastirliu ka dhënë një njoftim të rëndësishëm.

Nëpërmjet një reagimi në rrjetet sociale, ajo bën me dije se se është drejt përmbylljes trajtimi i katërt i dezinfektimit në zonat e nxehta, që sezoni turistik të jetë sa më i sigurtë.

Gjithashtu ajo shtoi se në këtë situatë ky proces ka rëndësi të madhe për shëndetin e qytetarëve, për uljen e transmetimit të sëmundjeve infektive dhe shqetësimet nga pickimet apo reaksionet alergjike.

“Po përmbyllet trajtimi i katërt i dezinsektimit në zonat e nxehta, të përcaktuara nga ekspertët e shëndetit publik, që nga Shkodra, në Lezhë, Tiranë, Durrës, Kavajë, Divjakë, Fier, Vlorë, Himarë, Sarandë, për një sezon turistik të sigurt.

Në këtë situatë epidemie, ky proces ka një rëndësi të veçantë për shëndetin e qytetarëve, për uljen e transmetimit të sëmundjeve infektive dhe shqetësimet nga pickimet dhe reaksionet alergjike”, thekson Manastirliu.