Mbrojtësi i kombëtares drejt Serie A, e kërkojnë me ngulm 2 ekipe

Ardian Ismajli duket se do të jetë ylli tjetër i kombëtares shqiptare që do të transferohet drejt Italisë.

Mbrojtësi që aktualisht luan në superligën kroate, ku dhe për hir të së vërtetës ka shkëlqyer është gati tashmë të bëjë hapin e madh në karrierë.

Ai kërkohet nga dy ekipe të rëndësinë në elitën e futbollit italian dhe konfirmimin për këtë gjë e ka dhënë vetë trajneri kuqezi, Edi Reja në një intervistë për “gazetta dello sport”.

“Kumbulla është i përshtatshëm për mbrojtjen e tre personave. Jo vetëm që mund të mbrojë, por ai del dhe luan topin. E ardhmja e Shqipërisë mund të jetë e sigurt, unë kam Gjimshitin nga Atalanta, po shikoj dy ose tre lojtarë të tjerë të mundshëm. Është edhe Ismajli nga Hajduk Split, Benevento dhe Leçe po e kërkojnë.

Me Kumbullën prapa ne jemi në vendin e duhur, kemi edhe Strakoshën në portë, të gjithë janë të rinj. Të tre qendrat janë aty, unë duhet të plotësoj pjesën tjetër të organikës”, ka thënë Edi Reja ndër të tjera.