LIGJET E BIZNESIT
Eurodeputeti suedez David Lega, njëkohësisht edhe raportier për Shqipërinë në BE, ka folur me tone të ashpra gjatë mbledhjes së Parlamentit Europian.
Lega u shpreh kundër hapjes së negociatave për Shqipërinë, pasi qeveria sillet shumë ashpër me gazetarët dhe shumë e butë me trafikantët e drogës.
Ndërkaq, eurodeputeti Gahler u shpreh se nuk dihet çfarë po bëhet me dosjet e shit-blerjes së votave, 184 dhe 339 të bandave të Durrësit ku i përfshirë ka qenë dhe ish- kryebashkiaku Vangjush Dako.
I ashpër ka qenë edhe reagimi i eurodeputetit Thierry Mariani, ku tha se politikat aktuale të shqipërisë drejt anëtarësimit në BE nuk janë të duhurat. Mariani u shpreh se është kundër zgjerimit në BE.
Deklarata e Thierry Marianit:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ne jemi kundër zgjerimit të BE dhe pyetja tani është për Shqipërinë përsa i përket instrumentave përpara zgjerimit. Shqipëria është një pikë qëndrore e influencës turke në rajon. Dua të përmend 5 mësues në mars në Kosovë të cilët u rrëmbyen dhe u dërguan në Turqi. Inteligjenca Turke kishte edhe partnerë shqiptarë. Ne nuk mendojmë që politikat që kanë zgjedhur këto momente janë të duhura dhe ato të njëjta me BE. Duhet të tregohemi më të ndershme përsa i përket Shqipërisë.
