Kreu i opozitës, Lulzim Basha ka reaguar pas marrëveshjes për Reformën Zgjedhore.
Basha e cilëson arritjen e kësaj marrëveshje si një garanci më tepër për të siguruar votën e lirë dhe të ndershme.
Ndër të tjera shton se opozita e bashkuar po punon çdo ditë për t’i kthyer qeverisjen shqiptarëve.
Reagimi i plotë:
Sot kemi hedhur një hap përpara, për të mundësuar më shumë garanci për zgjedhje të lira dhe të ndershme në Shqipëri.
@pdshqiperi dhe Opozita e Bashkuar është e gatshme dhe po punon përditë për t’jua kthyer qeverisjen shqiptarëve.
Në emër të Opozitës së Bashkuar ju shpreh falenderimet tona aleatëve dhe partnerëve tanë euro-atlantikë për ndihmën dhe kontributin e tyre për gjetjen e dakortësisë për administrimin zgjedhor.