Së fundmi janë bërë dhe lëvizje të reja në qeverinë Rama.
Mësohet se studiuesi Albert Nikolla është emëruar zv.ministër i Shëndetësisë dhe Mbrojtjes Sociale.
Ky vendim është marrë ditën e djeshme në mbledhjen e qeverisë.
Më herët ai ka mbajtur postin e këshilltarit të kryeministrit Edi Rama.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi emërimin e Albert Nikolla, zëvendësministër i Shëndetësisë dhe Mbrojtjes Sociale.
Ky vendim hyn në fuqi menjëherë”, thuhet në vendimin e qeverisë.
Ai ka lindur me 16 nëntor 1968 në Mat, kurse studimet i ka kryer në Universitetin e Tiranës, nga viti 1990 deri në vitin 1994.
Nikolla ka tre vëllime me tregime në aktivin e tij: “Dashnori i fundit”, “Ngjyrat e çmendurisë” dhe “Lojë tulipanësh”. Por gjithashtu dhe shumë romane, si: “Në kërkim të Perpetum Mobiles” ; “Ëeek-End i përgjakur në Bruksel”; “Golgota e Kuqe”; “Kanun”; “Vallëzim nën Yje” ; “Gjeniu dhe Vrasësit”, “Humbësi i vetvetes”, pa harruar esenë “Shtegtimi i Pelikanëve”.
