Një ditë pas dështimit të marrëveshjes për Reformën Zgjedhore midis palëve politike ambasadorët e huaj kanë bërë një lëvizje të papritur.
Mësohet se kryetari i Partisë Demokratike Lulzim Basha do të mbajë një takim me ta në selinë blu.
Sipas informacioneve mbasadorja e SHBA Yuri Kim, ambasadori i BE Luigi Soreca dhe ambasadori i Britanisë Duncan Norman do të mbërrijnë në selinë e PD në orën 15:00 për t’u takuar me Bashën.
Kujtojmë që ditën e djeshme ishte afati i fundit për të përmbyllur marrëveshjen e Reformës Zgjedhore, por që palët nuk arritën në asnjë konsensus.
Ata nuk kanë arritur të bien dakord të paktën në 2 pika, atë të identifikimit biometric dhe reformimit të administratës zgjedhore.
