Lëvizja e fortë/ Meta takon kryenegociatorin e Shqipërisë me BE, ja çfarë diskutuan

Pas më shumë se një ore ka përfunduar takimi mes presidentit Ilir Meta me kryenegociatorin e Shqipërisë për integrimin në Bashkimin Europian, Zef Mazi.

Ky takim u mbajt në selinë e Presidencës.

Më pas Meta doli në një deklaratë për shtyp, ku tha se politika duhet të plotësojë kushtet e nevojshme për këtë proces.

“Kënaqësi të prisja sot në takim Ambasador Zef Mazin, i emëruar nga Qeveria Kryenegociator për zhvillimin e negociatave për anëtarësimin e Shqipërisë në Bashkimin Europian.

Diskutuam hapur e në mënyrë konstruktive për perspektiven e çeljes së negociatave.
Ndërsa politika jonë duhet të tregojë vullnet për plotësimin e kushteve, është e rëndësishme përgatitja teknike dhe rritja e kapaciteteve negociuese.

E sigurova për mbështetjen e plotë në detyrën e tij nga institucioni i Presidentit të Republikës.

Integrimi europian është objektiv mbarëkombëtar,” u shpreh Kreu i Shtetit.