LAJM I FUNDIT/ Gjykata e Posaçme dënon me 10 vjet burg bashkëpunëtorin e “Habilajve”

Gjykata e Posaçme ka dënuar me 10 vite burg Armando Koçerrin, i cili ishte pjesë e grupit të “Habilajve”.

Koçerri është i vetmi bashkëpunëtor i tyre, që ndodhet në Shqipëri. Ai akuzohet për pjesëmarrje në grup kriminal, trafik narkotikësh dhe mbajtje e armëve dhe municioneve pa leje.

Koçerri u arrestua në banesën e tij në Babicë të Vlorës, me ton lëndë narkotike, në vitin 2017.

Edhe pase Prokuroria kërkoi 15 vite burg, Gjykata vendosi 10 vite.

Tetë anëtarët e grupit Habilaj, Moisi Habilaj, Florian Habilaj, Fatmir Minaj, Nezar Seiti, Sabaudin Çela, Tigrens Mesuraj, Meridian Sulaj dhe Armando Sulaj ndodhen në Itali ku janë dhe duke vuajtur aktualisht dënimin e dhënë nga gjykata italiane. Ndërsa Armando Koçerri ndodhet në Shqipëri.