Ish-ministri i Drejtësisë Ylli Manjani ka bërë së fundmi një paralajmërim të fortë.
Sipas tij me qeverisjen e Edi Ramës dhe në rast se ai fiton një mandate të tretë, do të rrezikohet lëvizja e lirë e shqiptarëve, një nga arritjet më të mëdhaja të vendit.
Shqipëria e drejtuar nga Edi Rama politikisht e personalisht, po kalon izolimin më të thellë.
Jo lëvizje të lirë që ska me BE, po as me viza nuk u lejohet shqiptarëve të qeverisur (sunduar) nga Edi Rama.
Arritja më e madhe e jona, lëvizja e lirë pa viza, është vënë në rrezik serioz! (Sot as me viza nuk lejohet)!!!!
Ky është fakt!
As supozim e as opinion!”-shkruan Manjani, në një postim në rrjetet sociale.
Sipas Manjani, shkak për këtë izolim duket se është keqmenaxhimi i pandemisë.
Gjithashtu Manjani reagon edhe në lidhje me situatën e pandemisë, ndërsa thekson se asnjë shifër nuk është e saktë, pasi sipas tij numri i ulët i testeve vetëm sa e përkeqëson gjendjen.
Më tej, Manjani i bën një thirrje të fortë qytetarëve, që të mos i japin një mandat të tretë Ramës.
“Asnjë shifër nuk qe e as është e saktë, në kuptimin që të tregojë realitetin.
Numri jashtëzakonisht i ulët i testeve (kaq sa ka bërë Edi Rama për 4 muaj, Italia e Gjermania i bënë në një ditë të vetme), vetëm përkeqëson gjendjen dhe forcon bindjen që shteti nuk kontrollon asgjë.
Përtej arsyes pandemi, edhe sikur të nisemi nga teza e mediave qeveritare e cila nuk harron ti kujtojë Europës sa kurvë që është, se “Serbia ka më shumë raste COVID e megjithatë iu hap kufiri”, prap përgjegjës është Edi Rama.
Pyetja është:
Përse Edi Ramës nuk po ja hapin kufinjtë dhe Vuçiç po?!
Edi Rama sikur kishte shokë e miq në perëndim?!
Po që është edhe Kryetari i OSBE…!!
E paskan me të personalisht e politikisht pra.
Ja pra që është më keq teza që “Pse serbisë dhe jo ne”, sesa pandemia e lëmë pa menaxhim.
Sido që ta vërtisim argumentin, përgjegjës për izolimin më të rreptë që po na imponohet është vetëm Edi Rama.
Donte të ishte Skënderbeu?
Ja ku është!
Të mbajë edhe përgjegjësinë si Skënderbe!
Izolimi i vendit vjen nga Edi Rama. Kjo tashmë është e dukshme.
Ndaj jo mandat të tretë, po ndërprerje e menjëhershme e mandatit është zgjidhja.”-shkruan Ylli Manjani në rrjetet sociale.
