Numri i të infektuarve me COVID19 duket se është në rritje dita-ditës.
Mësohet se gjatë orëve të fundit kanë dalë pozitivë 29 persona vetëm në Tiranë.
Sipas dosja.al prej tyre janë prekur kryeinfermierja dhe 3 infermiere të sallës operatore në pavionin e ORL në QSUT.
Gjithashtu pozitivë, sipas të njëjtave burime kanë dalë dhe një mjek i qendrës Shëndetësore në Sauk, 1 mjeke e Qendrës Kombëtare të Transfuzionit të Gjakut dhe një kryeinfermier. Ndërkohë kanë rezultuar pozitivë edhe 9 punonjëse fasonerie. Punonjësit e infektuar punojnë në dy fasoneri, njëra është “Klen”, e cila ndodhet në Kombinat dhe tjetra është “Fital”, e cila ndodhet në rrugën “Ali Demi”.
Deri më tani në total janë hetuar 257 raste të Tiranë, nga të cilat u është marrë tamponi edhe punonjësve të 2 drejtoriuve të Postës Shqiptare. Nga 257 rastet, 25 janë referuar nga Urgjenca Kombëtare dhe 23 nga mjeku i familjes.
Ndërkohë janë verifikuar dhe zonat e kuqe në Tiranë, të cilat janë si më poshtë:
Komuna e Parisit, Sauk, NSHR, Bregu Lumit, 5 Maji, Shkoze – Lanabregas, rr. B. Alla, pallati me shigjeta, Fushe-Mezeze, Porcelan, rr. B. Zyma, rr. Karl Gega, rr. Muhamet Gjollesha, rr. Sulejman Delvina, Liqeni i Thate, Ali Demi, rr. Ndre Mjeda, Fresku, Kopshti Zoologjik, rr. Lidhja Prizrenit, rr. Efuard Mano, Qytet Studenti, rr. Mihal Grameno, rr. Shefqet Kuka, rr. Brigada VIII, rr. Barrikadave, Garda e Republikes.
Pas daljes nga izolimi dhe pas lirimit të masave, në vend janë shtuarndjeshëm rastet e reja me koronavirus.
Në njoftimin zyrtar të Ministrisë së Shëndetësisë dje u konfirmuan 69 të prekur, shifra më e lartë kjo deri më tani.
Aktualisht në Shqipëri numërohen 499 persona aktivë me COVID19 dhe në total janë prekur 1590 veta.
