Kapen dhe arrestohen/ 30 policë ndjekin të rinjtë në Elbasan

Punonjësit e policisë së Elbasanit kanë bërë një ndjekje si nëpër filma, ku janë angazhuar 30 punonjës për kapjen e 2 personave.

Të rinjtë janë ndaluar në Bradashesh, ku po udhëtonin me mjetin tip Seat, ngjyrë e bardhe, e marrë me qera në Tiranë.

Arsyeja e ndalimit, për 25 dhe 30-vjeçarin, ende nuk është bërë e ditur.

Por mësohet se automjeti po vinte nga Peqinime, me shpejtësi të lartë pasi ndiqeshin nga shërbimi civil. Ata nuk i janë bindur shërbimit civil dhe në këto momente është kërkuar ndihma e efektivëve të tjerë, të cilët i kanë ngritur postbllok në Bradashesh.

Automjeti është shoqëruar drejt komisariatit, me forca të shumta policie dhe masa të rrepta sigurie.

Ende nuk dihet arsyëja se pse ky automjet ishte në ndjekje nga shërbimi civil dhe për çfarë arsyeje nuk u janë bindur urdhrave të ndalimit.