“Ju lutem na dëgjoni” Thirrja e fortë e Pëllumb Piperos: Ja si mund të mbroheni nga infektimi

Mjeku i njohur infeksionist Pëllumb Pipero nuk i ndal këshillat e përditshme që nga fillimi i pandemisë së COVID19 më shumë se tre muaj më parë.

Së fundmi, ai ka bërë një thirrje të fortë për të gjithë, ku u shpreh se duhen zbatuar masat për tu mbrojtur nga virusi.

Gjatë një prononcimi për Report TV, Pipero ka theksuar rëndësinë e përdorimit të maskave, distancës sociale dhe mbajtjen e higjenës.

“Tashmë nuk ka më të panjohura të mëdha, por kujdes i madh. Maska është mjeti kryesor mbrojtës, më pas vjen distanca, atje ku nuk ruajmë distancën duhet të vendosim maskën, më pas higjiena, por kryesore është maska dhe distanca. Ju lutem, ju lutem, ju lutem respektoni masat”.

Pipero tha se Infektivi është në kapacitet maksimale për shkak të shtimit të rasteve në javët e fundit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Numri i rasteve të infektuara dhe të sëmurë nga COVID dhe të shtruar është shtuar, jemi në kapacitetet maksimale. Dinamika e rasteve është e ndryshme. Kemi raste, mesatarisht mesatare të rënda, dhe të rënda, kemi edhe mjaft në shërim e sipër, 14-15 janë në terapi intensive.  Krahas të shtuarve pozitive, kemi edhe të shtruar”.

Por a ka më kapacitete shëndetësia shqiptare në rast të një skenar të paparashikuar?

“Tashmë mjekësia shqiptare i ka kapacitetet për të përballuar cdo skenar të mundshëm, por do të dëshironim të mos vendosim në dispozicion të tjerë, por nuk të sëmurë të tjerë. Mjekësia ka pak në dorë, më shumë kemi ne që duhet të ruhemi.

Maska dhe distanca dhe higjiena e duarve. Ju lutem të gjithë qytetarëve vendosni maskën dhe ruani distancën, virusi mund të na vrasë cdo ditë. Ju lutem më dëgjoni mua dhe kolegët, na dëgjoni ne specialistët. Janë disa skenarë, pas spitalit COVID-1 është gati ish-Kirurgjia e vjetër dhe të tjerët”.

Pipero kërkoi që mjeku i familjes të jetë më i përfshirë.

“Por duhet që mjeku i familjes të jetë më në lojë. Ai që ka nevojë për spital të vijë sa më shpejt. Personi rri 12 ditë në shtëpi sa të pësojë komplikacione, ka edhe nga ata që vijnë për një telefonatë, ndërkohë ata me komplikacione vijnë me vonesë”.