Jemi në prag të valës së dytë, OBSH jep alarmin e fortë për të gjithë shtetet

Në të gjitha shtetet në Europë, por edhe në SHBA dhe Kanada ka një rritje progresive të rasteve të reja pozitive me COVID-19 në ditët e fundit.  Nisur nga kjo gjendje, sipas Organizatës Botërore të Shëndetësisë, ritmi i përhapjes së saj është përshpejtuar nga një sërë faktorësh.

Sipas statsistikave zyrtare që bëjnë të ditur të gjitha qeveritë,  një ditë më parë janë raportuar 150 mijë raste të reja në të gjithë botën.

Kjo është shifra më e lartë e të prekurve brenda një ditë deri më tani. Kreu i OBSH-së në një deklaratë për media në Gjenevë u shpreh se bota ndodhet në një fazë të re të rrezikshme dhe mund të kemi një valë të dytë të pandemisë së shkaktuar nga COVID-19.

Ai u bëri apel të gjitha vendeve dhe njerëzve që të tregojnë shumë kujdes, të ruajnë distancat, dhe ata që ndihen keq të qëndrojnë në shtëpi.

Më tej kreu i OBSH theksoi se duhet mbajtur maska kur gjykohet e domosdoshme dhe të lahen duart sa më shpesh.

Sakaq për vendeve OBSH rekomandoi se duhet të vazhdojnë të përqendrohen tek gjetja, izolimi, testimi dhe kujdesi i çdo  rasti dhe kontakteve të tij.