LIGJET E BIZNESIT
Saimir Tahiri nuk i ka ndalur deklaratat sot përpara gazetarëve, pas vendimit që dha GJKKO për rikthimin e çështjes së tij në pikën zëro për gjykim nga e para.
Në një moment ish-ministri i Brendshëm është pyetur për luftën e tij kundër kultivimit të lëndëve narkotike.
Në fjalën e tij, Tahiri iu përgjigj njëkohësisht dhe kryeministrit Edi Rama, i cili u shpreh përpara disa ditësh në Kuvend se zbardhja e ngjarjeve përgjatë 3-4 viteve të fundit është rekord, duke zeruar punën e mëparshme të ish-ministrit, duke u shprehur se ishte “ministër kampion”.
Gjatë gjithë kohës gazetarët kanë qenë kuriozë që Tahiri të përmendte emra dhe se kush po e pengonte atë, mirëpo ai nuk ka preferuar të japë detaje.
PJESE NGA DEKLARATA
Saimir Tahiri: Ika dhe nga deputetllëku vetëm për t’u përballur me drejtësinë si qytetar. Ja ka vlejtur gjithmonë që të përballem si qytetar, jo si ato vemjet e tjera. Unë jam përballur si qytetar. As më shkon në mend t’i shkoj me gjykim të shkurtuar këtij procesi, por me prova e gjithçka. Po ju them që jam i dedikuar për këtë proces, është jeta ime, nuk është një pikë në agjendë.
Pyetje: Si konsideroni luftën kundër kultivimit të drogës tani?
Saimir Tahiri: Kam luftuar më shumë se gjithë të tjerët bashkë. E vetmja gjë që i kam vënë pikëpyetje vetes, a duhet të ishim transpartentë apo t’i fshihja për të shmangur debatin publik. Unë zgjodha rrugën të thoja të vërtetën. Do ketë një kohë që të flas edhe politikisht.
Pyetje: Nuk na e shpjeguat…
Saimir Tahiri: I jepni dot shpjegim se përse më shtyhet procesi? Jam prapë ministri kampion.
