LIGJET E BIZNESIT
Ditën e sotme kryeministri Edi Rama në prani të ministres së Infrastrukturës Belinda Balluku ka prezantuar projektin e HEC-it të Skavicës duke u shprehur se do të mbulohet 100% financiarisht nga shteti.
Kreu i qeverisë deklaroi se kjo ishte një ëndërr e mbetur në sirtar që nga vitet 60 dhe se për politikën e mëparshme ishte një premtim elektoral që nuk u realizua.
“Në një hark të shkurtër i rikthemi një tjetër projekti madhor. Shija e sotme është e ndryshme një shijë shumë veçantë, pasi bëhet fjalë për një ëndërr në sirtar. Që në vitin 1963 është skicuar plani. Skavica mbeti thjesht një plan i parealizuar. U bë një përpjekje në 2005, por rezultoi një flluskë sapuni. Në 2008 hapi një tender qeveria e mëparshme ku morën pjesë 6 kompani të huaja, në 2009 duhej shpallur fituesi por nuk u bë.
Ne e kthyem Skavicën në tavolin dhe në vitin 2017 në samitin e Triestes u miratua si një ndër projektet prioritet të procesit të Berlinit. Ne u pozicionuam për të ndjekur me përparësi këtë rrugë duke garantuar jo thjesht financimin por edhe cilësinë e tij. Faktikisht sic e tha dhe ministra projekti u pranua dhe ne kemi nje pamje te detajuar nga një kompani me një biografi të njohur botërisht, kompania Franceze. Më vjen shumë mirë që kjo qeveri do të nisë punën pas 40 vitesh ppër një hidrocentral të madh. Kemi vendosur këtë vepër të madhe ta financojmë nga burimet e shtetit. Shumë vite më parë një inxhinier i njohur më patë thënë që kaskada e Drinit pa Skavicën është si një tufë delesh pa bariun.
Nga ana tjetër është e padyshimtë që kjo vepër do të ketë një impakt të jashtëzakonshëm në aspektin ekonomik Natyrisht që të jemi të qartë Skavica nuk do ta bëjë Shqipërinë një superfuqi. Këto janë gjëra që ne nuk i arrimë dot, pasi ne nuk jemi të dytët pas Gjermanisë. Brenda vitit shpresoj të kemi kantierin ne kemi të gjitha arsyet për të qenë shumë optimist për vitin e ardhshëm. ” deklaroi kryeministri gjatë fjalës së tij.
