“Isha pa mbathje e pa syze” Desh u mbyt në Shqipëri, Vittorio Sgarbi tregon momentet e frikës në det

Disa ditë pasi rrezikoi jetën në detin e Palasës në Jug të Shqipërisë, publicisti dhe kritiku italian Vittorio Sgarbi ka folur së fundmi për mediat fqinje.

Në programin e moderatores Barbara D’Urso, Zgarbi tha se ishin momente me të vërtetë të frikshme.

Ai ka thënë se shpëtoi për mrekulli dhe se kur doli nga uji u gjend pa mbathje dhe syze.

“Ato që unë përjetova ishin momente paniku e frike. Rrezikova mbytjen, ndërsa notoja pranë bregdetit në Palasë.

“Shpëtova mrekullisht. Koha nuk ishte e mirë dhe deti kishte dallgë. Provova të notoja. E vetmja që më ndoqi ishte vajza ime. Kur dola nga uji nuk i kisha më mbathjet dhe syzet. Për fat të mirë kisha mbathje rezervë, syzet i bënë në kohë rekord në Shqipëri”, tregoi Zgarbi për “Live-Non E la d’Urso” në Tg.com.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern