Deputetje e PD-së, Rudina Hajdari ka zhvilluar një takim me anëtarët e shoqërisë civile, ku ka ndarë me ta gjithë shqetësimet rreth Reformës Zgjedhore.
Nëpërmjet një postimi në Facebook, Hajdari thotë se ndryshimi i sistemit zgjedhor nuk është vetëm çështje e partive politike, por e gjithë shqiptarëve.
Ndër të tjera, ajo tregon se të gjithë ishin pro hapjes së listave dhe se takimi me ta i ka dhënë inkurajim që zërin e tyre ta çojë në Kuvend.
Reagimi i plotë i Hajdarit:
Çështja e ndryshimit të sistemit zgjedhor nuk mund ti takojë vetëm partive sepse është një çështje e gjithë shoqërisë.
Prandaj sot u bashkova me Nismën Thurje dhe organizatat e shoqërisë civile për të ndarë me ta ecurinë e deritanishme të proçesit për ndryshimin e sistemit zgjedhor si edhe për të dëgjuar propozimet e tyre.
Jam e lumtur që të gjithë e mbështetën pa kursime idenë e hapjes së listave dhe më inkurajuan që zërin e tyre ta çoj në Kuvend.
