Greqia pret turistët e parë më 1 korrik, ja 9 shtetet që bëjnë pjesë te “zona e kuqe”

Më 1 korrik Greqia do të nisë sezonin turistik. Mësohet se hyrja në pikat kufitare do të bëhet në bazë të rregullores së re.

Në çdo pikë kufitare do të vendoset një fletë me 9 këshilla-udhëzime, në anglisht, gjermanisht dhe frengjisht. Në funksion të turistëve do të jenë 27 aeroporte dhe 7 pika kufitare tokësore.

Madje çdo turist duhet të deklarojë itinerarin e lëvizjes.

Ndërkaq, 9 shtete nuk do të mund të udhëtojnë drejt greqisë sepse janë të shpallura si zona të kuqe. Shtetet që përfshihen janë: Britania, Suedia, Rusi, Izrael, Katar, Emiratet Arabe, Arabia Saudite, Maqedonia e Veriut dhe ShBA.

Gjithashtu në pikat kufitare udhëtarët do t’i nënshtrohen testeve përkatëse. Në rast se rezultojnë pozitivë, ata do të karantinohen për 14 ditë