Mbyllen hetimet nga Prokuroria e Posaçme Kundër korrupsionit dhe Krimit te Organizuar për grabitjen më 9 prill 2019 në pistën e aeroportit të Rinasit.
Kështu, SPAK u komunikoi akuzat të arrestuarve për ngjarjen dhe tashmë dosja do të shkojë në gjykatë.
Fillimisht janë akuzuar 7 persona, pasi dosja është ndarë për shkak të dyshimeve se janë përfshirë dhe persona të tjerë.
Ata janë: Eldi dhe Klemend Çala, Oltion Veseli, Elton Pikli, Renaldo Sula, Alkond Bengasi.
Për Ragip Hajdinin, ose i thirrur me nofkën ‘Daja’ nga Kosova, do të pushohen hetimet pasi ndërroi jetë pak ditë më parë nga një sëmundje e rëndë.
Nga ana tjetër SPAK cilëson si ‘kokë’ të grupit kriminal Admir Muratin, i cili u vra ditën e grabitjes. Në kërkim vijon të jetë Talo Çela i cili është në kërkim, por ndërkohë ka masë sigurie arrest me burg në mungesë.
Do të jetë GJKKO që do të vendosë nëse do të pushojë akuzën, apo dosja do të kthehet sërish për hetime të mëtejshme.
