Gjobiten 6 biznese, nuk respektuan protokollin e sigurisë në kuadër të pandemisë

Janë gjobitur 6 biznese nga Inspektorati Shtetëror i Shëndetësisë sepse nuk kanë respektuar protokollin e sigurisë ndaj koronavirusit.

Janë marrë 6 masa administrative me gjobë në markete, bar kafe, furra buke, klinika dentare, parukeri etj, në subjektet të cilat janë gjetur në shkelje, duke mos marrë masat dhe moszbatuar protokollet e sigurisë për mbrojtjen ndaj COVID19 të miratuara nga Ministria e Shëndetësisë dhe Mbrojtjes Sociale.

Nga inspektimi në terren janë marrë 2 masa administrative në qarkun e Tiranës, 3 masa administrative në qarkun Durrës dhe 1 masë administrative në Fier.

Ndërsa, gjatë kësaj periudhës janë inspektuar dhe monotiruar mbi 76 mijë subjekte në të gjithë vendin dhe janë vendosur mbi 300 masa administrative.

Njoftimi:

Inspektorati Shtetëror Shëndetësor vijon intensivisht kontrollet dhe monitorimin në terren, ku vetëm në 24 orët e fundit janë realizuar 1820 inspektime dhe monitorime në të gjitha qarqet e vendit.

Janë marrë 6 masa administrative me gjobë në markete, bar kafe, furra buke, klinika dentare, parukeri etj, në subjektet të cilat janë gjetur në shkelje, duke mos marrë masat dhe moszbatuar protokollet e sigurisë për mbrojtjen ndaj COVID19 të miratuara nga Ministria e Shëndetësisë dhe Mbrojtjes Sociale.

Nga inspektimi në terren janë marrë 2 masa administrative në qarkun e Tiranës, 3 masa administrative në qarkun Durrës dhe 1 masë administrative në Fier.

Gjatë kësaj periudhe prej Marsit, janë inspektuar dhe monitoruar mbi 76 mijë subjekte në të gjithë vendin dhe janë vendosur mbi 300 masa administrative.

Ministria e Shëndetësisë dhe Mbrojtjes Sociale ju bën apel qytetarëve dhe bizneseve të respektojnë masat e distancimit social dhe higjenës si dhe bizneset dhe institucionet të zbatojnë protokollet e sigurisë.