Gjiknuri zbulon çfarë hëngrën në takimin dy ditor te rezidenca e Kim

Anëtarët e Këshillit Politik zhvilluan takim në rezidencën e ambasadores së SHBA-së, Yuri Kim, për dy ditë rresht nga 9 orë.

Bashkëkryetari i Komisionit të Këshillit Politik për Zgjedhoren, Damian Gjiknuri tregoi se çfarë konsumuan gjatë 9 orëve  në rezidencën e Kim.

Gjiknuri: Kishte lloje të ndryshme sanduiçësh, me ton, me sallam, me vezë, shumë të shijshëm dhe vetëm ujë, as birrë as verë. Nuk shërbente njeri birrë. Drekë darkë bashkë i hëngrëm. S’kishim vajtur për darkë atje ne. Për cimbizëm siç thonë shqiptarët. Ishte një njeri aty që përgatiste ushqim për stafin dhe përgatiti sanduiçë.

Çani: Po 9 orë me sanduiçë, të paktën duhet të kishte diçka të hanit një drekë, unë s’po them që të futeshit me kokë me gjëra të rënda. Po kafe?

Gjiknuri: Po dhe kafe kishte sigurisht, kafe amerikane.

Çani: Po ëmbëlsira, kek?

Gjiknuri: Po sigurisht kishte dhe gjëra të ëmbla.

Curri: A mbeti gjë në tavolinë?

Gjiknuri: E kisha mendjen te Reforma Zgjedhore dhe jo çfarë mbeti në tavolinë.