Gazetari Hoxha bën deklaratën e fortë: Të rinjtë po marrin drejtimin e bandave

Gazetari Artan Hoxha ka deklaruar se ngjarjet e fundit kriminale, që po ndodhin në vend kohët e fundit janë tepër shqetësuese dhe duhet të marrin vemëndjen që meritojnë.

Hoxha i krahasoi vrasjet e fundit në me një reform që po ndodh në botën e krimit, ndërsa kallashnikovi është vetting në dorën e njërzve të përfshirë në këtë botë.

Më tej ai tha se prej një viti e gjysmë disa të rinj po marrin drejtimin e grupeve kriminale kryesore në vend.

“Jemi në një fazë që nga një anë e kemi mendjen tek reforma në drejtësi ndërsa nga ana tjetër në botën e krimit po ndodh reforma e vërtetë në drejtësi. Vetingu i tyre është kallashnikovi. Ka një vit e gjysmë që po ndodh një ndryshim rrënjësor në botën e krimit. Janë disa të rinj që po marrin drejtimin e grupeve që kanë dominuar gjatë këtyre viteve dhe kjo po ndodh nga Vlora deri në Shkodër.”, deklaroi Artan Hoxha. /Opinion.al/