Garancia Sovrane 1/ Ministrja e Financave jep lajmin: Shtyhen aplikimet deri më 20 qershor

Ditën e sotme ministrja e Ekonomisë dhe Financave Anila Denaj ka njoftuar se aplikimet për garancinë sovrane janë shtyrë deri më 20 qershor.

Ajo ka njoftuar se deri më 5 qershor kanë aplikuar 712 subjekte, nga të cilat 462 kanë përfituar, përkthyer në vlerën e 5 milionë e 883 mijë lekëve.

Kujtojmë që qeveria gjatë pandemisë akordoi dy garanci sovrane për kredi, e para 11 miliardë lekë ku riskun e merrte përsipër plotësisht qeveria, dhe një të dytë 15 miliardë lekë ku qeveria garantonte 60% të principalit të çdo huaje dhe interes jo më shumë se 5%, por vetëm për 3 kategori, turizmin, fasoneritë dhe aktivitetet prodhuese.

“Afati i aplikimeve për kredi me Garanci Sovrane 1 është shtyrë deri në datë 20 Qershor.

Për kreditë përmes Garancisë Sovrane për Pagat e sektorit privat, Qeveria Shqiptare:

– subvencionon plotësisht interesat;

– garanton 100% kreditë e aprovuara nga sistemi bankar.

Të dhënat mbi Garancinë Sovrane deri në 05 Qershor”, bën me dije Denaj.