Futbolli në zi, ndahet nga jeta talenti 17-vjeçar i La Liga

Futbolli spanjoll është prekur nga një tragjedi, pas ndarjes nga jetë të futbollistit 17-vjeçar, Jorge Sanchez Vaca.

Talenti 17-vjeçar luante me Las  Palmas dhe në disa ndeshje ishte grumbulluar me ekipin e parë, pasi cilësohej si një nga më të mirët e moshës së tij në klub.

Futbollisti ka humbu jetën bashkë me shokun e tij dy vite më të vogël, pasi kishin shkuar për t’u larë në një liqen, ku dhe u mbytën.

Lajmi u konfirmua dhe nga vetë klubi i Las Palmas përmes një postimi në rrjetet sociale.

“UD Las Palmas mban zi për vdekjen e ish-lojtarit të sektorit tonë të të rinjve: Jorge Sánchez Vaca. Ai kishte planifikuar për t’u bashkuar me Juvenil A sezonin e ardhshëm. Ne i dërgojmë ngushëllimet tona familjes dhe miqve të tij“, shkruan klubi iberik.