Fshehu drogën në pantallona, arrestohet polici i burgut

Ditën e sotme është arrestuar një polic pasi tentoi të fusë drogë brenda ambienteve të burgut.

Bëhet fjalë për policin Fatmir Dupi, efektiv i regjimit të brendshëm, i cili i cili tentoi të fusë brenda në qeli një sasi prej 26.1 gramë kanabis. Dupi e kishte fsheur lëndën narkotike në pantallona.

Polici është zbuluar dhe më pas arrestuar në momentin që po merrte turnin, ndërkohë nuk dihet ende se kujt do ia jepte drogën.

Efektivët janë duke e marrë në pyetje për të mësuar më shumë rreth personit që do të merrte drogën.