Frikë te bluzat e bardha/ Mjeku preket për herë të dytë nga koronavirusi brenda 3 muajve

Në komunikimin zyrtar të Ministrisë së Shëndetësisë sot, ku u tha se kishte 20 raste të reja me koronavirus në Shqipëri, u bë me dije se është infektuar për herë të dytë dhe një mjek.

Sipas dr. Flutura Beqo personi në fjalë është riinfektuar për herë të dytë brenda 3 muajve si kontakt familjar.

“Aktualisht kemi një personel shëndetesor të riinfektuar pas thuajse 3 muajsh, pra i infektuar për herë të dytë, si kontakt familjar. Gjendja e tij shëndetesore është e stabilizuar.”, u shpreh dr.Beqo.

Gjithashtu ajo tha se 15 persona janë shëruar gjatë 24 orëve të fundit.

Deri më tani totali i personave që e kanë mundur virusin që nga fillimi i epidemisë ka shkuar në 925.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern