Ditën e djeshme u është bërë tamponi për COVID19 punonjësve të Kadastrës së Durrësit.
Ndërkohë mësohet se dy prej tyre kanë rezultuar pozitivë.
Sipas informacioneve bëhet fjalë për sportelisten, familjarët e së cilës rezultuan të infektuar si dhe një specialiste sektori.
Gjithashtu që prej ditës së hënë ASHK në Durrës është mbyllur dhe puna është ndërprerë.
Të gjithë punonjësit e Kadastrës po qëndrojnë në shtëpi për periudhën 14-ditore.
Kujtojmë se dje janë konfirmuar 21 raste me koronavirus brenda 24 orësh në të gjithë vendin.
