Dalëngadalë duket se Europa po e merr veten nga izolimi për shkak të pandemisë së COVID19.
Ndërkohë Belgjika është shteti i rradhës që ka vendosur të hapë kufinjtë me vendet e Bashkimit Europian dhe Britaninë e Madhe.
Kryeministria Sophie Wilmes komunikoi lajmin e mirë duket thënë se kjo do të ndodhë më 15 qershor.
Ndërsa më datë 8 qershor do të rihapen baret dhe restorantet.
“Kafenetë, baret dhe restorantet mund të rihapen, nën kushte të rrepta, nga e hëna e ardhshme, me 8 qershor”, tha Wilmes.
Gjithashtu kryeministrja belge u shpreh se personeli që shërben e ka të detyruar të mbajë maskë.
“Në veçanti, do të duhet të zbatohet një distancë prej 1,50 metrash midis tryezave dhe maksimumi 10 njerëz në një tryezë, shtoi udhëheqësja liberale, duke shtuar se personeli duhet të mbajë maskë, shërbimi do të jetë i mundur vetëm në tryezë dhe institucionet duhet të mbyllen jo më vonë se 1:00 e mëngjesit”, shtoi ajo.
