Mbrëmjen që lamë pas policia ka vënë në pranga një person.
Ai është i dyshuar për vrasjen e dyfishtë në Laç më 30 maj, ku mbetën të vdekur dy biznesmenët Bujar Lika dhe Paulin Gjergji.
Mësohet se bëhet fjalë për shtetasin me iniciale E.D 30 vjeç.
Ky i fundit u paraqit i plagosur në spital mbrëmjen e kaluar.
Më pas mjekët kanë njoftuar policinë dhe sipas verifikimeve i riu rezulton i plagosur 20 ditë më parë.
Deri më tani Kreshnik Tusha është i vetmi i arrestuar për ngjarjen dhe ndaj tij rëndon masa e sigurisë “arrest me burg” ndërkohë që është në pritje të vendimit të gjykatës.
