Një ngjarje tragjike është ajo që ka ndodhur së fundmi në Vlorë.
Mësohet se një pushues 72-vjeçar nga Tirana ka humbur jetën pasi është nxjerrë nga deti në gjendje të rëndë.
Sipas informacioneve ngjarja ka ndodhur afër shkollës së Marinës.
Për fat të keq 72 vjeçari me iniciale F.H ka humbur jetën rrugës për në spital.
Në momentin që po lahej në det, ai shoqërohej nga bashkëshortja.
NJOFTIMI ZYRTAR I POLICISE
Vlorë/Informacion paraprak
Rreth orës 09:40, në bregdetin e Plazhit të Ri, Vlorë, pranë shkollës së Marinës është nxjerrë nga deti në gjendje të rëndë shtetasi F. H., 72 vjeç, banues në Tiranë, i cili ka ndërruar jetë rrugës për në spitalin Rajonal. 72 vjeçari ka qenë duke bërë plazh shoqëruar nga bashkëshortja e tij.
Grupi hetimor po kryen veprimet e mëtejshme në lidhje me sqarimin e rrethanave.
