Një aksident i trefishtë ka ndodhur mbrëmjen e sotme në Tiranë. Si pasojë e aksidentit kanë mbetur të plagosur dy persona.
Policia njofton se aksidenti ka ndodhur rreth orës 19:46 në rrugën Muhedin Llagami. Në aksident janë përfshirë tre mjete të drejtuar nga shtetasit K.K.,L.B. dhe B.D. si pasojë e përplasjes kanë mbetur të plagosur dy drejtuesit, shtetasi me iniciale K.K. dhe L.B. të dy ndodhen në kujdesin e mjekëve, ndërsa shtetasi B.D. ndodhet në vendngjarje.
Grupi hetimor ndodhet në vendngjarje dhe vijon punën për zbardhjen e plotë të rrethanave të ngjarjes.
