E rëndë në Shkodër/ Dy persona qëllojnë drejt një makine, njëri prej autorëve femër

Një ngjarje e rëndë ka ndodhur mesditën e sotme në Shkodër.

Mësohet se është qëlluar me armë zjarri në drejtim të një automjeti që ka qenë në lëvizje.

Atentati ka ndodhur në fshatin Vukatanë, dhe sipas informacioneve të dy personat autorë ishin duke ecur me një motor “Papac” dhe për një moment kanë qëlluar në drejtim të automjetit.

Sipas burimeve një nga autorët ka qenë femër, dhe mbante veshur një bluzë të bardhë.

Ende nuk dihet identiteti i autorëve dhe as se kush mund të ketë qenë objektivi i atentatit.

Sipas policisë nuk ka persona të lënduar si pasojë e të shtënave.

Grupi hetimor po punon për zbardhjen e plotë të ngjarjes.