E rëndë/ Mjeku i parë që vdes nga pandemia, ndërron jetë në Spitalin Infektiv dr. Arjan Pushi

Shënohet vdekja e parë në rradhën e bluzave të bardha për shkak të COVID19 në Shqipëri.

Një lajm i hidhur vjen nga Spitali Infektiv, ku është konfirmuar se ka ndërruar jetë mjeku hematolog i QSUT Arjan Pushi.

Ky fakt është konfirmuar dhe nga Ministria e Shëndetësisë, institucion i cili bën me dije se pavarësisht përpjekjeve të stafit , profesor Pushi nuk ia doli dot.

NJOFTIMI ZYRTAR I MINISTRISE

“Ministria e Shëndetësisë njofton me hidhërim të thellë ndarjen nga jeta të profesorit të Fakultetit të Mjekësisë Arjan Pushi, i cili, referuar shërbimit infektiv, ndërroi jetë pak momente më parë në spitalin Infektiv, i prekur nga COVID19, pavarësisht përpjekjes maksimale të stafit mjekësor.

Prof. Arjan Pushi ka patur një karrierë të spikatur në fushën e hematologjisë dhe ka përgatitur shumë breza studentësh të Mjekësisë.

Ministria e Shëndetësisë i shpreh ngushëllime famljarëve dhe miqve të profesor Arjan Pushit”.