Ish-kryeministri Sali Berisha i është drejtuar sot direkt me një mesazh kryetarit aktual të Bashkisë Vlorë Dritan Leli.
Sipas Berishës, atë e pret i njëjti fat si i paraardhesit të tij në detyrë, Shpëtim Gjika.
Por ish-kryeministri nuk ka harruar të japë dhe dy këshilla për Lelin, për të dalë nga rruga ku sipas tij ka hyrë.
“Në rastin e vjedhjeve, historia përsëritet besnikërisht. Kjo, sepse vjedhja është vjedhje dhe nuk ndryshon! Kështu, viktima e parë e Edvinit për korrupsion ishte Gjika i Vlorës, i cili ishte keqperdorur nga Rama në opozitë për vite me rradhë dhe sapo erdhi në pushtet e flaku si limon të shtrydhur, vetëm e vetëm që të mbushte xhepat me projektin e Lungomares, të cilin e shndërroi në Lungozezë!
Tani radhën e ka Leli, prandaj dy këshilla praktike për Lelin: Këshillohu me Gjikën. Zgjidh avokat një pengmarrës të Edvinit, që ti i njeh më mirë se unë!
Kaq për sot, Lel! Të tjerat në vazhdim!”, thekson Berisha.