LIGJET E BIZNESIT
Ministri i Brendshëm, Sandër Lleshaj ka dalë në mbrojtje të policëve që ishin pa numra identifikimi gjatë protestës së 17 majit. Kjo deklaratë nënkupton që Lleshaj ose nuk e njeh ligjin ose e ka shkelur me dashje atë dhe duhet të mbajë përgjegjësi.
Në seancën dëgjimore në vend, për policët pa numër identifikimi, Lleshaj tha:
Nuk do të shihni punonjës policie që do të kenë numra identiteti sepse janë të identifikuar nga drejtuesit e tyre. Të gjitha barrën për dështimin e operacioni e ka drejtuesit i tyre dhe emrat e tyre i dini.
Në qoftë se doni përgjegjësi politike, keni emrin tim.
Policia e Shtetit nuk njeh hierarki, nuk njeh askënd tjetër përveç ligjit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Por kjo deklaratë e ministrit është e paligjshme dhe bie ndesh me ligjin dhe rregulloren e Policisë së Shtetit.
Në ligjin për Policinë e Shtetit, në nenin 89, saktësohet se punonjësi i policisë duhet të “përdorë uniformën, shenjat dhe simbolet e policisë vetëm gjatë kryerjes së shërbimit dhe në përputhje me rregullat e vendosura”.
Ndërsa në Rregulloren e Policisë së Shtetit, në nenin 37, i ndalohet punonjësve të policisë që të heqin “simbolet, emblemën, gradat, stemat sipas shërbimeve të Policisë, shenjat dalluese etj. nga uniformat që kanë në përdorim; dhe të modifikojnë pjesë të veshjes policore.”
Të gjithë punonjësit e policisë, gjatë protestës për shembjen e Teatrit Kombëtar, nik kanë pasur numër identifikimi në uniformat e tyre, prandaj I takon ministrit të mbajë përgjegjësi për këtë shkelje të ligjit dhe rregullores së policisë.
Policët dhunuan qytetarë, gazetarë, arrestuan dhjetëra prej tyre dhe hodhën gaz lotsjellës dhe asnjë prej protestuesve nuk arritën të identifikonin policët që dhunuan në mënyrë të paligjshme.
Ministri Lleshaj e ka mohuar vazhdimisht se policia ka ushtruar dhunë në 17 maj, madje ka akuzuar protestuesit se kanë dhunuar policët.
