E Fundit/ Trajleri përplas motorrin, drejtuesi në gjendje të rëndë

Një aksident i rëndë automobilistik ka ndodhur mbrëmjen e sotme në fshatin Vukpalaj, Malësi e Madhe.

Mësohet se një shtetas boshnjak ka goditur një motoçikletë dhe për pasojë ka mbetur i plagosur drejtuesi i saj. Ai ndodhet në spitalin e Shkodrës në gjendje të rëndë.

Në vendngjarje kanë mbërritur shërbimet e policisë dhe janë duke kryer hetimet për zbardhjen e ngjarjes.

Njoftimi i policisë:

Malësi e Madhe/Informacion Paraprak

Më datë 24.06.2020, ora 21:40, në aksin rrugor Hani i Hotit – Shkodër, fshati Vukpalaj, Malësi e Madhe, ka ndodhur një aksident rrugor, ku janë përfshirë mjetet Trajler, me drejtues shtetasin Boshnjak M. K. 35 vjeç, banues në Laktash, shteti Bosnje Hercegovinë, është përplasur me mjetin motorçikletë, me drejtues shtetasin Gj. L. 41 vjeç, banues në fshatin Hot, Malësi e Madhe, për pasojë është dëmtuar drejtuesi i motorit i cili ndodhet në Spitalin Rajonal Shkodër në gjendje të rëndë. Në vendngjarje ndodhen shërbimet e policisë dhe po kryhen veprimet me grup hetimor për sqarimin e rrethanave të aksidentit.