Gazetarja e Tv Klan në Maqedoninë e Veriut, Xhumadije Ibrahimi është goditur nga një veturë, kur po dilte nga televizioni.
Mediat vendase shkruajnë se, pasditen e sotme në “Rrugën e Ilindenit” në Tetovë, në afërsi të selisë së Klan Maqedoni duke kryer obligimet e përditshme gazetareske, Xhumadije Ibraimi është goditur nga një veturë.
Gazetarja është dërguar menjëherë në spitalin e Tetovës dhe me rekomandim të mjekëve është dërguar në Klinikën Neurologjike në Shkup, për ekzaminime të mëtejshme.
Gjendja shëndetësore e Ibrahimit raportohet të jetë e mirë.
Ekipi i Sekretariati të Punëve të Brendshme dhe prokurori kujdestar dolën menjëherë në vendngjarje për të zbardhur rastin.