E fundit/ Kryepeshkopi i Shqipërisë kryen ndërhyrjen e papritur në zemër

Kryepeshkopi i Shqipërisë Anastas Janullatos i është nënshtruar një operacioni në zemër ditën e djeshme.

Kisha Ortodokse Autoqefale e Shqipërisë  ka bërë me dije lajmin dhe shkruan se pas ekzaminimeve u konstatua stenozë e arteries së zemrës. Janullatus ka realisuar një ndërhyrje me shumë sukses dhe ka vendosur dy stenta në zemër.

Gjendja shëndetësore e Kryepeshkopit është e mirë dhe brenda dy ditësh do të kthehet në Kryepiskopatë.

Njoftimi i Kishës Orthodhokse Autoqefale e Shqipërisë:

NJË PERIPECI E VOGËL ME SHËNDETIN E KRYEPISKOPIT ANASTAS

Pasditen e së premtes, dt. 26 qershor 2020, Kryepiskopi i Tiranës, Durrësit dhe i gjithë Shqipërisë, Fortlumturia e tij, Anastasi, u shtrua në Spitalin HYGEIA në Tiranë, për shkak të shqetësimeve kardiake. Pas ekzaminimeve, u konstatua stenozë e arteries së zemrës dhe brenda ditës u realizua me shumë sukses ndërhyrja angioplastike, me vendosjen e dy stentave. Lavdi Zotit, sot, ditën e shtunë, shëndeti i tij paraqitet veçanërisht i kënaqshëm.
Mjekët e informuan se brenda dy ditësh do të jetë në gjendje të kthehet në Kryepiskopatë.

Kryepiskopata e Hirshme e Tiranës dhe Durrësit,
27 qershor 2020