E fundit/ Isa Mustafa shkarkon Vjosa Osmanin nga pozitat drejtuese të LDK

Kryeparlamentarja Vjosa Osmani shkarkohet nga posti i nënkryetares së LDK-së dhe i antarësisë së Kryesisë së kësaj partie. Këshilli i Përgjithshëm i LDK-së, sot me propozim të kryetarit të partisë Isa Mustafa ka marrë vendim për shkarkimin e Osmanit nga pozitat drejtuese në parti.

Ky vendim ka të bëjë me sjelljet e Vjosa Osmanit ndaj proceseve të fundit politike, përfshirë mocionin ndaj qeverisë Kurti si dhe formimin e qeverisë Hoti.

Shkarkimin e Osmanit e ka konfirmuar deputeti i kësaj parte Haxhi Avdyli, që e quan vendim skandaloz.

Postimi i plotë:
Vendimi i skandaloz për kinse shkarkimin permes Email të Vjosa Osmanit nga organet drejtuese të LDK-së, i inicuar nga njerzit pa legjitimitet qytetar, paraqet vetem një manipulim interneti e asgje më shumë. Votimi i përmes email është një vendim mashtrues dhe frigacak si gjithmonë i disa njerzëve që skanë guxim qytetar të maten e thirren si pronarë të LDK-së . Këta se kanë problem edhe ti manipulojnë rezultatet. Egziston mundesia që rezultatet i ketij sondazhi Online mund te jenë manipuluar prandaj ska vlerë as juridike as obligativ për askënd. Ne dhe secili aktivistë i LDK-së do e konsiderojnë këtë vetëm si nje sondazh pavlerë derisa ky vendim të mos mirret konform rregullave demokratike.