Pasditen e kësaj të diele kryetari i Partisë Demokratike Lulzim Basha duket se ka vendosur ta kalojë pranë prindërve dhe të vëllait.
Ai ka uruar dhe nënën për ditëlindje, dhe ka postuar dy fotografi mjaft të veçanta.
Në të parën shfaqet lideri demokrat pranë vëllait dhe nëna me babain janë të ulur.
Ndërsa te e dyta prindërit e Bashës janë sërish të ulur pranë njëri-tjetrit.
“Një e dielë e veçantë për nënën time dhe një nga ditët më të lumtura për mua, vëllain tim dhe babain tonë, tek i uruam njeriut tonë më të dashur ditëlindjen. Nga ky gëzim i familjes tonë ju uroj të gjithëve një të dielë të gëzuar!” shkruan Basha.
Mund të themi që kjo është nga herët e pakta që kryedemokrati ndan me ndjekësit pjesë nga jeta familjare.
