Një thirrje shumë e fortë ka ardhur këtë herë nga salla e Parlamentit nga deputeti Halit Valteri. Duke u nisur nga rasti i fundit i përdhunimit të 15-vjeçares, Valteri bëri thirrje që në Shqipëri të rikthehet dënimi me vdekje për raste kaq të rënda që trondisin opinionin publik.
“Kush prek fëmijët të varen. Të kthehet dënimi me vdekje! Po ju bëj thirrje, le të marrim një nismë për këtë gjë. Këta pedofilë duhet të ndëshkohen, le të varen në mes qytetit”, tha ai.
Ndërkohë, kryepalramentari Gramoz Ruçi tha se: “Kjo nuk është një zgjidhje. Nuk e zgjidh kjo, në dijeninë time, sot në seancë do të ketë reagim nga ana e ministres së Arsimit”.
