“Dy lajme të mira nga koronavirusi” Epidemiologu i njohur jep shpresë për të gjithë shqiptarët

Duket se dy lajme të mira vinë së fundmi nga pandemia e koronavirusit që tashmë ka pushtuar botën prej 6 muajsh.

Të dhënat i ka bërë me dije epidemiologu shqiptar Ilir Alimehmeti, i cili shprehet se i pari është fakti që po provohet se Kina ka gënjyer për periudhën kohore të origjinës së virusit.

Së dyti, ai shton se virusi është bërë shumë më i butë.

REAGIMI I MJEKUT ILIR ALIMEHMETI

Dy lajme shumë të mira miqtë e mi!

Një superstudim shumë teknik i University College London gjen se:

1.Origjina kohore e SARS-CoV-2 daton ndërmjet datës 8 tetor 2019 dhe 11 dhjetor 2019.

Pse është e rëndësishme?

-Sepse zbulon qartë se Kina gënjeu dhe tregoi kurba të shtrembëruara të epidemisë.

-Mbi gënjeshtrat kineze u bazuan edhe 4 supermodelet e projeksioneve, më i famshmi Ferguson et al., të cilat detyruan të gjithë shtetet të zbatonin lockdoën-et dhe bllokimin e lëvizjeve.

-Siç është thënë edhe më parë, projeksionet bazohen mbi të dhëna të mëparshme.

Nëse ato janë gënjeshtra, edhe modelet janë gënjeshtra, si rrjedhojë masat shtetërore kanë qenë të keqinformuara prej tyre.

-Në ambientet teknike përdoret shprehja “Garbage in! Garbage out!”.

2.Në 198 zona të ndryshme gjeografike të botës, virusi po i nënshtrohet përshtatjes me njerëzit, duke u zbutur.

-Tani mund ta themi me plot gojën qe virusi është shumë më i butë se më parë, dhe mund ta themi bazuar mbi evidenca dhe jo mbi thashetheme.

Forca miqtë e mi!

Natyra dhe imuniteti njerëzor ka qenë gjithnjë më të fortë se masat shtetërore!

Miliona vite evolucion janë mbrojtje shumë më e fortë se dy-tre muaj mbyllje shtetërore!