Dobësimi i ekonomisë prek Aeroportin Ndërkombëtar të Tiranës, nis pushimi kolektiv

Aeroporti Ndërkombëtar i Tiranës ka njoftuar se si pasojë e humbjeve të financave ka nisur të procedojë pushimin kolektiv nga puna.

Sipas njoftimit të TIA-s, ky vendim ka ardhur si pasojë e rënies së veprimtarisë tregtare të saj.

Bëhet me dije se numri i punonjësve që do të shkurtohen do të jetë 52.

Njoftimi i TIA-S:

Për shkak të dobësimit të ekonomisë shqiptare dhe asaj botërore, ne parashikojmë që veprimtaria tregtare e TIA-s do të vijojë të jetë në rënie. Nisur nga kjo situatë e vështirë, TIA është e detyruar që të ndërmarrë masa me qëllim parandalimin e humbjeve të mëtejshme ekonomike dhe për të siguruar vazhdimësinë e biznesit të saj. Duke qenë se për arsyet e sipërpërmendura është e pamundur që i gjithë stafi të zihet me punë, TIA ka vendosur të fillojë procedurën e pushimit kolektiv nga puna.