Ditën e zgjedhjeve/ Po shkonte për të votuar, aksidentohet ish-presidenti i Serbisë

Ditën e sotme ish-presidenti serb Tomislav Nikoliç ka pësuar një aksident automobilistik.

Mediat vendase deklarojnë se ngjarja ndodhi rreth orës 16.00 në Lapove.

Makina në të cilën ndodhej ish-presidenti i Serbisë u godit nga një automjet i ministrisë së Brendshme.

Nga aksidenti nuk pati dëme në njerëz, por vetëm dëme materiale. Pas aksidentit, foli edhe Nikoliç, që tha se nuk ishte diçka serioze.

Sipas tij aksidenti ndodhi gjatë kohës që po shkonte të votontë.

Kujtojmë se ditën e sotme në Serbi u mbajtën zgjedhjet lokale dhe presidenciale.