Një ngjarje e rëndë tronditi opinionin publik shqiptar pak javë më parë.
Bëhet fjalë për rrahjen e një 15-vjeçari në zonën e liqenit artificial në Tiranë, ku uniformat blu pretenduan se i mituri kishte shkelur orarin e karantinës.
Ndërkohë sot mësohet se Prokuroria ka nisur hetimet për njërin prej efektivëve.
Bëhet me dije se gjithashtu do të kërkohet pezullimi nga detyra për të.
Sipas informacioneve polici është Glein Ndreu dhe hetimet mbi të do të bëhen për të evidentuar përgjegjësinë penale lidhur me dhunën e ushtruar ndaj të miturit.