Denoncimi i fortë/ Mjekët e Sanatoriumit humbin durimin: S’kemi marrë akoma shpërblimin 1000 euro

Në fillim të pandemisë COVID19 në Shqipëri, ditët e muajit mars kryeministri Edi Rama tha se mjekët që do të ishin në vijën e parë të ‘luftës’, duke u përballur me pacientët e infektuar do të merrnin një shpërblim përtej rrogës, që ishte 1000 euro.

Por nga ana tjetër një denoncim i fortë ka ardhur në adresën e ish-kryeministrit Sali Berisha,ku sipas një personi që pretendon se është pjesë e stafit të spitalit “Shefqet Ndroqi” në Tiranë, ose Sanatoriumit që funksionoi disa ditë si spitali “COVID2”, shprehet se stafit të urgjencës nuk i jepet bonusi i premtuar, ndërkohë që sipas tij punonjësit e QSUT e kanë marrë.

Ai shton se këtë shumë parash ata duan ta përgjysmojnë për ti dhënë dhe administratës.

“Denoncon Edvin gënjeshtrën për mashtrimin e radhës!”, citon Berisha.