LIGJET E BIZNESIT
Pas atentatit të 11 qershorit në zonën e “Komunës së Parisit” në Tiranë ku u mbeti i vrarë Hekuran Billa, mëngjesin e sotëm policia ka arrestuar një person sit ë dyshuar.
Në njoftimin zyrtar të uniformave blu bëhet me dije se i riu është nipi i Prel Markut.
Ky I fundit është vrarë nga 40-vjeçari Hekuran Billa në vitin 2006 në Angli.
NJOFTIMI ZYRTAR I POLICISE
Nga Sektori i Krimeve të Rënda ndaj Jetës dhe Pronës dhe Sektori i Forcës Operacionale dhe Kërkimit në DVP Tiranë, nën drejtimin e Prokurorisë së Rrethit Gjyqësor Tiranë, u bë i mundur ndalimi i shtetasit Sebi Mali, 22 vjeç, banues në Tiranë. Ndalimi i këtij shtetasi u bë pasi, në datën 11.06.2020, rreth orës 21:50, në rrugën ‘Prokop Mima’ Tiranë, ka bashkëpunuar në vrasjen me armë zjarri të shtetasit Hekuran Billa. Shtetasi Sebi Mali është nipi i shtetasit Prel Marku, i cili është vrarë në vitin 2006, në Angli, nga shtetasi Hekuran Billa.
Në cilësinë e provës materiale janë sekuestruar 3 automjete dhe një sërë provash të tjera materiale, me të cilat dokumentohet implikimi i këtij shtetasi në këtë ngjarje. Ndërkohë, vazhdon puna për identifikimin dhe kapjen e autorëve të tjerë të mundshëm të përfshirë në këtë ngjarje. Materialet për ndalimin e shtetasit Sebi Mali i kaluan Prokurorisë së Rrethit Gjyqësor Tiranë, për veprat penale ‘Vrasja për gjakmarrje’, e kryer në bashkëpunim dhe ‘Armëmbajtja pa leje’.
