Një lajm shumë i mirë konsiderohet ai që vjen së fundmi nga një mjek italian.
Matteo Bassetti shprehet se koronavirusi tashmë e ka humbur forcën e tij duke u dobësuar ndjeshëm.
Sipas tij, në kohën që para pak muajsh nga kjo sëmundje mund të humbnin jetën, tashmë pacientët janë në gjendje që ti bëjnë ballë virusit.
Ai shton se nëse ky dobësim po ndodh, atëherë nuk ka nevojë për të gjetur një vaksinë për semundjen.
“Përshtypja klinike që kam është se virusi po ndryshon ashpërsi. Në mars dhe në fillim të prillit modelet ishin krejtësisht të ndryshme. Njerëzit paraqiteshin në urgjencë me vështirësi të mëdha dhe kishin nevojë urgjente për ventilator. Tashmë, në katër javët e fundit, panorama ka ndryshuar plotësisht. Ka një ngarkesë të ulët virale në traktin respirator, ndoshta për shkak të një mutacioni gjenetik në virus, i cili ende nuk është demonstruar shkencërisht”, deklaron Matteo Bassetti.
“Ndoshta s’do të kemi nevojë për vaksinë, me këto ritme që po bie forca e virusit”, shtoi ai ndër të tjera.
