OBSH ngre alarmin: Organizimet fetare po rrisin numrin e të infektuarve

Shumë vende që kanë qenë të suksesshme në parandalimin e përhapjes së koronavirusit, janë duke u ballafaquar me rritje të numrit të infektuarve, për shkak të organizimeve fetare, tha zyrtarja e Organizatës Botërore të Shëndetësisë, Maria Van Kerkhove.

“Është me të vërtetë e rëndësishme që vendet të zbulojnë me shpejtësi këto raste”, tha ajo në një konferencë për media.

Ajo nuk përmendi vendet që po ballafaqohet me këtë situatë.

Më shumë se nëntë milionë njerëz janë infektuar me koronavirusin e ri në të gjithë botën.

Organizata Botërore e Shëndetësisë ka raportuar të dielën për rritjen më të madhe të numrit të rasteve me koronavirus, pasi në vetëm 24 orë është raportuar për 183,000 persona të infektuar.

Kjo agjenci e Kombeve të Bashkuara ka thënë se Brazili është renditur i pari më 54,771 raste, Shtetet e Bashkuara të dytat me 36,617 raste dhe India e treta me 15,400 të infektuar. /rel/