COVID 19 goditi ekonominë, ministrja e Financave tregon sa dolën të papunë

Ministrja e Financave, Anila Denaj ka dhënë detaje të reja në A2 Business Week të gazetares Aurora Sulce për impaktin që pandemia e koronavirusit pati në shtimin e numrit të papunëve në vendin tonë.

Ministrja shpjegoi se si pasojë e mbylljes së qindra bizneseve gjatë muajve të pandemisë deri në fund të majit mendohet të kenë humbur vendet e punës 57 mijë persona.

“Në fund të muajit prill ne folëm për një numër papunësie, e cila sigurisht edhe sipas parashikimeve shkonte në nivelin e 45 mijë personave. Dhe ne kemi parashikuar, se dua t’i bëj referencë dhe të gjithë raporteve të lancuara ditët e fundit. Por nëse flasim për një recesion -5% dhe për ta projektuar pak dhe në parashikueshmërinë e vitit ne kemi menduar të kemi një rritje të shkallës së papunësisë me 4.2% që do të thotë 57 mijë”, tha ministrja. (A2 CNN)